羊MiMi's D&G Family

暑假真係好開心呀！我地又去街街喇！！

其實今天是羊生的生日，本來想再帶嘉。渟去海洋公園玩((貪佢有生日優惠))，但上個月我地先去左，諗諗下昂坪纜車而家都有做生日優惠，嘉姐仔前排話過好想去，所以，精打細算的我就改變左行程 。

點知去到大排長龍((都要排啦....))

忽然有個叔叔走過黎問我地：呢個妹妹(指渟渟)好靚女喎，你幾多歲呀??

我笑笑口：妹妹，話俾叔叔知你幾多歲啦.....((我心諗男人老狗甘八卦))

八卦叔叔：見你甘靚女，等叔叔送三張飛俾你地坐纜車啦！跟住我行啦！((唔係真嘛?係咪電視台偷拍貪心人士呀??))

直至見佢向工作人員出示証件，我地成功穿過幾條人龍，排到頭位，我至肯相信：我地今日真係好幸運呀！！

唔駛俾錢事少((其實我本來想坐水晶車廂))，不過唔駛排幾粒鐘長龍先至正！！

昂坪市集有個武林大會，少林寺和尚會定時表演打功夫。

天氣真係好熱，對嘉。渟而言，呢間雪糕店肯定吸引過隔離o的和尚打功夫。

渟渟好搞笑，見嘉姐仔擺"拜神Pose"，佢又跟住拜神，最搞笑就係......佢見到老夫子都拜 。

然後我地去左市集嘆冷氣。

影多兩張相就回程了

臨走前見到有隻BB牛，佢一o的都唔驚人 ！！

羊生至愛聖記的香蕉朱古力蛋糕。

返到屋企，阿娘細妹佢地已經黎左，Auntie又煮定飯，齊齊同羊生慶祝大生日！！