羊MiMi's D&G Family

見到 Trendyland Studio 暑假做緊個$880的優惠套餐 ((我等左好耐喇......))

其實好耐之前，已經好想帶嘉嘉去Trendyland Studio 影返輯美人魚公主相當作 6 歲的生日禮物，不過價錢好貴唔化算，所以就打消左呢個念頭。

當我見到呢個優惠時，就即刻打電話 Booking 了，雖然只係包 10 張相，不過我只係想趁嘉嘉變左甩牙妹前做個紀念，換晒牙大個女o的影又無甘靚，所以都係想早早去影，就算得 10 張相我都無所謂。

一去到影樓，首先就換衫、SET 頭、化粧，可能我地有職業病，佢所謂既化妝係無化到眼既 ，(( 但係個相版小朋友係有化到眼妝既 ))，而且我知嘉嘉既內雙眼皮無化眼的話，就會無甘好睇，再三要求佢地就話公司唔包 (( 其實我覺得佢地有欺詐成份！！))

呢個時候我已經超不滿！！仲要同我講只准一個人入去陪佢影相，嘉嘉係慢熱型，全程好 cool，個攝影師哥哥勁講低能笑話，但嘉嘉一o的反應都無，我唯有拜託個攝影師哥哥先出去一陣......

我問嘉嘉做咩唔笑呀?? 佢話：個哥哥講既笑話一o的都唔好笑呀 ！！

然後我再威逼利誘、拜託嘉嘉：輯相好貴架，唔該你合作o的啦 ！！

兩個星期後，我們再約睇相。

至於睇相 / 揀相好輕鬆，其實職員唔算太 hard sell，可以自己一個坐o係房間的大電腦揀，我只係揀多左4張相，個 PACKAGE 包10張相，EXTRA 相每張 $68，不過我就順便造埋相薄唔好煩，仲有 free 一個 8R 相架，但連同相薄要 3 個月後先拎得，可以在任何一間 Trendyland 門市都取，而即日只可以拎走 14 張SOFT COPIES。

http://trendylandstudio.com/