羊MiMi's D&G Family

每逢初一、十五或前後兩三天潮退得最遠，最適合去掘蜆，不過話雖如此，出發前都一定要在天文台check清楚退潮時間，因為一定要在退潮時候才可以安全地掘蜆。

2013年的第一掘。。。。昨天下過大雨，今天就間中有雨，不過我地同Sunnie表姐、文姨姨都照去！！婆婆話我地係癲架 ！！

渟渟好唔鐘意個泥灘，""吸""住佢隻鞋唔舒服，佢索性除左對拖鞋((千祈唔好學，因為好易割傷))。。。。

其實天氣甘差，真係唔適合黎掘蜆，不過下一個初一、十五，嘉嘉又已經放完復活節假要返學，唯有同佢地打好個底黎，唔好凍親佢地。

眼見有人有備而黎，配備精良似是職業打手，佢地已經掘到成桶蜆。。。。

嘉嘉終於掘到第一隻蜆，雖然唔係好大隻，不過佢都好開心。

渟渟越掘((玩))越起勁，凳仔都唔坐，就甘o係泥堆中玩，搞到成身濕晒。。。。。

我地掘左一個半小時左右，已經開始水漲，而且海水漲得很快，見好就收，要注意安全！！

經過我地兩個小時的戰鬥，就帶著大大小小的收獲返回岸邊，點算及清理戰利品，好開心！！聽晚可以有免費海鮮食 ！！

回家要用鹹水浸泡蜆約一日，浸左一晚等佢地吐沙後便可以煮食。。。。。我地今次用左白酒煮。。。。真係啖啖肉。。。

P。S。 當晚Sunnie同肥爸食完蜆幾小時後，眼睛就開始紅腫。。。。肥爸好慘！！搞到要入急症仲要留醫，原本佢同阿娘明天出發去旅行，肥爸想哭了。。。。嗚嗚~~~~


後來聽Auntie話，其實落雨前後幾天都唔應該去海灘活動，啲海水係有""毒""~~~我信！！因為我掘左食左幾年，今次先""出事""。。。。請告訴你們的朋友。。。。這是我的親身經歷。。。。