趁嘉嘉剛剛考完試，即刻去Teapot報返個親子Project先，就係我地齊齊D.I.Y.一個拼布全盒((糖果盒))喇 ~~~
原本我揀了一款大紅色的Hello Kitty日本布料，不過嘉嘉話鐘意粉紅色的Melody((其實我覺得粉紅色容易污糟))， 話晒係親子Project嘛，所以....最緊要係心肝鐘意，嘉嘉做得開心!!!
原來這個全盒的主要材料是布和硬卡紙，一坐低，老師就吩咐我們先裁硬卡紙，我拿著那把界刀，頭有點暈，手有點痛，幸好羊生仲未走，所以就先幫忙我裁紙卡。
嘉嘉好專心呢.......
成晚痴痴貼貼﹐左拼右拼....當然其中有好多精細Technique包含在內，經老師教導過後好快我地就掌握到了!!!
嘩~~~慢慢開始成形喇......雖然只是完成左一部分，不過我已經覺得好靚喇.....
努力加油的同時....嘉嘉竟然話：媽媽，不如你叫返爸爸上黎啦，我諗你應該搞唔掂.......
然後，全場同學傳來一陣((偷))笑聲......
所以，羊生又再上黎打救我，難道我的做手工天份真的差無可差??
見羊生輕易就做到底盤+蓋子，頭頂加粒大Button便可以成為新年全盒了!!!真係估唔到幾塊卡紙就可以做出甘Amazing的手作!!!
花了四個小時，終於完成呢~~~ 係味好靚呢~~~ 望到份作品的時候，真係唔太相信((我))可以做得到....hehehehe
其實呢個全盒仲可以一物二用，新年裝完糖果後，仲可以用來做飾物盒裝小飾物，啱晒裝住嘉。渟兩姊妹的小頭飾。
離開Teapot已經是12:30am，但心肝仲話要行花市。。。其實我真係好眼訓。。。 
今年明明都很有意欲，想帶嘉。渟多走幾個年宵，多逛逛....... 不過過年前工作實在太忙了，今年又沒有了年三十，感覺有點促......今天不行，就要待明年才能行，所以還是撐著行了.......
留言列表
嘉嘉成長日記 (2)