羊MiMi's D&G Family

有日阿娘話好想一家人齊齊去郊外旅行，好讓大家舒展筋骨、呼吸收新鮮空氣。

初初計劃去野餐，不過大家都覺得預備甘多食物好麻煩，都係BBQ燒烤最方便。兒時肥爸同阿娘經常帶我地去郊外BBQ，算一算都已經係廿幾年前既事，雖然成日都o係屋企空地燒野食，但是從老遠走到郊外BBQ，對我們幾姊妹來說，其實係一個好珍貴既童年回憶。



我地並無目的地，肥爸一架旅遊巴就車左我地一行十幾人入大嶼山，兜了一段路，沿途風光明媚，令人很享受這個unplanned的遊車河！

為甚麼想在郊外找一個燒烤爐這麼難?? 想找有位泊車、有地方給小朋友走動、有沙有水玩的燒烤場原來不容易，最後想起暑假到過的長沙，印象中是有石凳及燒烤爐啦~~幾經波折，終於在這裡找到合適的燒烤場((還要是包場呢！))，前面有一個無敵大海景+私人大沙灘，環境和空氣一流。


 
可惜當日天氣有點冷，睇下紅姨姨為Anki表妹打扮成""一隻粽""甘......

Anki 第一次""遠遊""，第一次親親大自然，全日都十分興奮，簡直樂而唔想返屋企！嘻嘻，大家覺唔覺Anki表妹同佢爸爸真係一個餅印呀，只係男版同女版既分別.....



我們一路望住個海一路燒野食真係好""爽""，認真風涼水冷；幸好有好warm既陽光，仲有好warm既家人圍住齊齊燒~~久違了的郊野旅行，這個海灘BBQ真的別有一番風味。

我們的帳篷又出場喇~~



連嘉。渟的Dora帳篷都一起帶來上鏡了~~肥爸同阿娘都頂唔順我地，說這裡像是變成我們的後花園呀！



拎埋渟渟架小單車，幾個小朋友輪流坐~~



知道嗎?? 小朋友可以在郊外玩吹泡泡是一件最開心的事，泡泡機怎少得?? 其實我也準備了沙灘玩具，不過妹妹們話我太crazy，又話太冷不能玩水，只好放棄了。



這個泡泡機除了玩，也能製作特別的攝影效果！



Auntie今朝煲左粥仔先去街，等我地快o的餵飽各自的小魔怪先！！


,
呢度人影都唔多個，真的好像是私人後花園，既可以讓孩子們周圍走、愉快地遊玩，又不用擔心安全問題；我們也可以放鬆心情，投入燒烤的樂趣，幾個小朋友間中都有爭吵，但轉頭又一起玩，一起分享食物，吵吵鬧鬧又一個下午了。


 
嘉。渟兩個不時爬上爬落，自我娛樂，就任由她們自由活動吧！佢地已經玩到癲晒，我都無眼睇！！


 
總是要到郊外跑跑跳跳，這樣的童年才夠快樂！！渟渟，盡情玩、盡情笑吧~~媽媽不希望你的回憶就只有醫院和恐懼。



我們一家四口又在玩自拍喇~~迫嘉。渟陪我影多兩張相先！！



是日活動十分盡興！！我們一家人都非常滿意呢個地方，喜歡這兒環境又靚又夠靜，加上樹木及海水的味道，感覺一流！！天氣雖然好凍，但是一家人一起的時光，就是最快樂的時光，我們一定會再來！！